Jasbir Wattanwalia : ਕੌਣ ਕਰੇਂਦਾ ਕਿਰਤ ਕਿਸਾਨਾਂ ਵਰਗੀ ਹੋ

Jul 22, 2015

ਕੌਣ ਕਰੇਂਦਾ ਕਿਰਤ ਕਿਸਾਨਾਂ ਵਰਗੀ ਹੋ...Farmers Hard Work, Song

ਜੇਠ-ਹਾੜ ਦੀਆਂ ਧੁੱਪਾਂ..ਪਹਿਲੋਂ ਲੂਸ ਲਿਆ
ਪਿੱਛੋਂ ਰਹਿੰਦਾ ਖੂਨ ..ਮੱਛਰ ਨੇ ਚੂਸ ਲਿਆ
ਚਾਰ-ਚੁਫੇਰੇ ਝੋਨੇ.. ਹੁਮਸ ਚੜ੍ਹਦੀ ਹੋ।
ਕੌਣ ਕਰੇਂਦਾ ਕਿਰਤ ਕਿਸਾਨਾਂ ਵਰਗੀ ਹੋ..

ਜੇ ਕਣਕਾਂ ਨੂੰ ਭਰੀਏ.. ਬੱਦਲ ਆਣ ਚੜ੍ਹੇ

ਝੋਨੇ ਵੇਲੇ ਸੋਕਾ...ਖੱਤੇ ਰਹਿਣ ਰੜੇ

ਜੇ ਆ ਜਾਵੇ ਬਿਜਲੀ ਮੋਟਰ ਸੜਦੀ ਹੋ..

ਕੌਣ ਕਰੇਂਦਾ ਕਿਰਤ ਕਿਸਾਨਾਂ ਵਰਗੀ ਹੋ...

ਪੋਹ-ਮਾਘ ਦੀਆਂ ਰਾਤਾਂ ਕਣਕਾਂ ਨੂੰ ਪਾਣੀ

ਕੱਕਰ-ਕੋਰਾ ਝੱਲਦੀ... ਸੀਨੇ ਕਿਰਸਾਣੀ

ਸੱਚੀਓਂ ਜਾਵੇ ਹੱਡ ਚੀਰਦੀ ਸਰਦੀ ਹੋ..

ਕੌਣ ਕਰੇਂਦਾ ਕਿਰਤ ਕਿਸਾਨਾਂ ਵਰਗੀ ਹੋ

ਮਹਾਕਾਵਿ ਕਲਯੁਗਨਾਮਾ ਪੜ੍ਹਨ ਲਈ ਇਸ ਲਿੰਕ ’ਤੇ ਕਲਿਕ ਕਰੋ

ਖੇਤੀ ਕਰਮਾ ਸੇਤੀ... ਖੇਤੀ ਸਿਰੇ ਚੜ੍ਹੇ

"ਵਾਟਾਂਵਾਲੀਆ" ਤਾਹੀਓਂ ਕਰਜੇ ਰਹਿਣ ਚੜ੍ਹੇ

ਉੱਪਰੋਂ ਮੰਡੀ ਜਾ ਕੇ ਕਿਸਮਤ ਸੜਦੀ ਹੋ..

ਕੌਣ ਕਰੇਂਦਾ ਕਿਰਤ ਕਿਸਾਨਾਂ ਵਰਗੀ ਹੋ..

22-07-2015

ਜਸਬੀਰ ਵਾਟਾਂਵਾਲੀਆ

ਹੋਰ ਕਵਿਤਾਵਾਂ ਪੜ੍ਹਨ ਇਸ ਲਿੰਕ ’ਤੇ ਕਲਿਕ ਕਰੋ